Jab se begum ne mujhe murgha

Jab se begum ne mujhe murgha bana rakha hai,

Main ne nazron ki tarhan sir bhi jhuka rakha hai,

Bartano: aaj mere sir pe baraste q ho,

Main ne dho dha k tumhain kitna saja rakha hai,

Roz leti he talashi wo police ki manind,

Pochti he kahan paison ko chupa rakha hai,

Wohi dunya main muqaddar ka sikandar tehra,

Jis ne khud ko yahan shadi se bacha rakha hai,

Pi ja is maar ki talkhi ko bhi hans k shohar,

Maar khane main bhi Qudrat ne maza rakha hai..!